వరంగల్: వరంగల్‌లోని MGM ఆసుపత్రిలో భద్రతా ఏర్పాట్లపై SPF (స్పెషల్ ప్రొటెక్షన్ ఫోర్స్) ఉన్నతాధికారులు ప్రత్యేక దృష్టి సారించారు. ఆసుపత్రిని సందర్శించిన అధికారులు, అక్కడ ప్రస్తుతం ఉన్న భద్రతా పరిస్థితులను క్షేత్రస్థాయిలో పరిశీలించారు. వారు ప్రస్తుతం అమలులో ఉన్న భద్రతా చర్యలు, సిబ్బంది విధులు మరియు భద్రతకు సంబంధించిన సవాళ్లను సమీక్షించడంతో పాటు, భవిష్యత్తులో భద్రతను మరింత బలోపేతం చేయడానికి తీసుకోవాల్సిన చర్యలపై చర్చించారు. అనంతరం, SPF అధికారులు వరంగల్ పోలీస్ కమిషనర్ ఎన్. శ్వేత (IPS)ను మర్యాదపూర్వకంగా కలిశారు. ఈ సమావేశంలో భద్రతకు సంబంధించిన వివిధ అంశాలపై వారు చర్చించినట్లు సమాచారం. కమిషనర్‌ను కలిసిన బృందంలో SPF కమాండెంట్ కోటేశ్వరరావు, ఇన్‌స్పెక్టర్ భీమా మరియు ఇతర అధికారులు ఉన్నారు.
Our Telangana Citizen Reporter
Mr. Siliveru Murali Krishna