సంగారెడ్డి జిల్లా:సంగారెడ్డి జిల్లాలో శుక్ర వారం ఉదయం ఘోర రోడ్డు ప్రమాదం సంభవించింది. గుమ్మడిదల మండలం నల్లవల్లి అటవీ ప్రాంతంలో 2 ఆటోలు.. కారు ఢీ కొన్నాయి. నర్సాపూర్ పట్టణ సమీపంలోని మెడలమ్మ గుడి వద్ద అతివేగంతో ప్రయాణిస్తోన్న కారు అదుపుతప్పి ఎదురుగా వస్తున్న రెండు ఆటోలపై దూసుకెళ్లింది. దీంతో ప్రమాదంలో ఆటో లోని ముగ్గురు తీవ్రంగా గాయపడి అక్కడికక్కడే మృతి చెందారు. కారులోని ఉన్నవారికి కూడా గాయాలయ్యాయి. కారు నర్సాపూర్ నుంచి హైదరా బాద్‌కు వెళ్తుండగా ఈ ప్రమాదం చోటుచేసుకుంది. ప్రమాదం గురించి సమాచా రం అందుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. గాయపడిన నలుగురిని సమీపంలోని ఆసుపత్రిలో చేర్పించారు.ప్రమాదంపై కేసు నమోదు చేసి.. మృతదేహాలను స్వాధీనం చేసుకుని పోస్ట్‌‌మార్టం కోసం తరలించారు. అతివేగమే ప్రమాదానికి కారణమని ప్రాథమికంగా నిర్దారణకు వచ్చారు. కారు డ్రైవర్ నిర్లక్ష్యం వల్లే ప్రమాదం జరిగినట్టు భావిస్తున్నారు. వేగంగా వచ్చి ఆటోలను ఢీకొట్టడం వల్ల అందులోని ఉన్న ప్రయాణికులు చెల్లాచె దురుగా పడిపోయారు. ఘటనా స్థలిలో బీతావాహ పరిస్థితి నెలకుంది. దీనికి సంబంధించిన పూర్తి వివరాలు ఇంకా తెలియాల్సి ఉంది.
Our Telangana Citizen Reporter.
Mr. A. Naveen Kumar.